२०७६ असोज ३ गते

यी हुन् सरकारले घोषणा गरेको उत्कृष्ट क्याम्पस

ईपाटी संवाददाता

काठमाडौं । सरकारले देशका उत्कृष्ट क्याम्पसहरु छनौट गरेको छ । शिक्षा, विज्ञान तथा प्रविधि मन्त्रालयले शिक्षा दिवस, २०७६ को उपलक्षमा उत्कृष्ट क्याम्पसहरु छनौट गरी पुरस्कृत गर्ने घोषणा गरेको हो ।

मन्त्रालयले आङ्गिक, सामुदायिक र निजी क्षेत्रका १–१ गरी ३ वटा क्याम्पसलाई उत्कृष्ट घोषणा गरेको छ । ती क्याम्पसहरुलाई शिक्षा दिवसका अवसरमा नगद पुरस्कार समेत प्रदान गरिने शिक्षा मन्त्रालयले जनाएको छ ।

उत्कृष्ट हुने क्याम्पसहरुमा त्रित्रुवन विश्वविद्यालयको आङ्गिक क्याम्पस पुल्चोक क्याम्पस, ललितपुर रहेको छ । त्यसैगरी सिराहाको जे.एस.मुरारका बहुमुखी क्याम्पस र काठमाडौंको बर्नहार्ट कलेज, बाफल पनि उत्कृष्ण घोषणा भएका छन् ।

मन्त्रालयले ती तीनवटा क्याम्पसलाई सम्पर्क गर्न पनि सूचना जारी गरेको छ ।

Comments: