मेरो देश

एजुकेशन पाटी

Byएजुकेशन पाटी

२० श्रावण २०७७, मंगलवार
प्रमा पण्डित

गुुराँस हाम्रो राष्ट्रिय फूल नेपालकै गौरव
पानीको पनि भण्डार छनि लाग्छ नि गौरव ।

हरियो वन राम्रो छ पन नेपाल देशमा
संकृति अनि चाड र पर्व नेपाली भेषमा ।

हिमाल भरि हिउँको झरि नेपालकै गहना
नेपाल भेट्न पाउनु यहाँ भो सबैको चाहना ।

कोइली बोली डाँफेको रुप देशको गहना
मयुर नाच देख्नको लागि सबैको चाहना ।

गौरव लाग्छ नेपाली हुँदा योद्धाको देश हो
वीर हो भद्र, अमर सिंह नेपालकै योद्धाहो ।

कविता लेखे भानुले राम्रो सुरिलो भाकामा
नेपाली भेष दौरा र सुर्वाल पाल्पाली ढाकामा ।

हिमाल हिउँ पहाड तोरी हरियो वनमा
इन्दे्रणी रङ्ग देखिन्छ सात हसिलो पनमा ।

नेपाल देश सुन्दर भेष सितल छायाँमा
पाइन्छ देख्न नेपाल देश विभिन्न रुपमा ।

सुन्दर देश नेपाल होनि संकृति भेषमा
विभिन्न ठाउँ असल मान्छे नेपाल देशमा ।

असल हामी हुनुछ यहाँ नेपाली माटोमा
सहयोग गर्ने मिलेर बस्ने अनेक पाटोमा।

किसान गर्छन् परिश्रम यहाँ शिक्षक ज्ञानमा
कविले लेख्छन् कविता यहाँ नेपाली भाषामा ।

विद्यार्थी पढी, गायक गाइ, खोजेर दर्शक
जुटेर लागे हुनेछ सबै नेपाल फरक ।

कक्षा-६
पशुपति मित्र मा.वि. चावहिल
काठमाडौं नेपाल

प्रतिकृया दिनुहोस्