केहि मुक्तकहरू
१.
रिस राग घमण्ड मनैबाट झिक्यौं भने हामी ।
सत् मार्ग सत् विचारतर्फ हिड्यौं भने हामी ।
यो देश भोली बल्ल मेरो देश जस्तै बन्छ ,
कलिला मस्तिष्कलाइ चिन्यौ भने हामी ।
२.
बालबालिकासँग घुलमिल हुनुपर्छ ।
हामी सधैं सधैं सहनशील हुनुपर्छ ।
सबै बच्चा एकैनाशका कहाँ हुन्छन् र ?
बच्चाको भावना बुझ्न उस्तै दिल हुनु पर्छ ।
३.
पौरखी नेपालीको छाती विशाल हुनुपर्छ ।
तराइ , पहाड मनैभरि हिमाल हुनुपर्छ ।
ए ! मान्छे तिम्रो भन्दा माटोको माया गर ,
हामी रहन थाहा छ ? पहिले नेपाल हुनुपर्छ ।
४.
ए साथी आकाशका ताराहरू पनि गन्न सक्नुपर्छ ।
सहिलाइ सहि गलतलाइ गलत भन्न सक्नुपर्छ ।
यहाँ खाली अरुकै गल्ती खोजेर बस्छन् मान्छेहरू ,
अरूले जे सुकै गरोस् आफू कर्तव्यनिष्ठ बन्न सक्नुपर्छ ।
श्री प्रगति आधारभूत विद्यालय
गनपा -७ , बागलुड
प्रतिकृया दिनुहोस्
