हरेक वर्ष जब नयाँ भर्नाको समय आउँछ अनि निजी स्कुलको शुल्कको विषयमा बिरोध सुरु हुन्छ । विद्यार्थी संगठन विज्ञप्ति निकाल्न सुरु गर्दछन् । अभिभावक संघ, सामाजिक अभियन्ता, अधिकारवादी, पत्रकार सबै तिनै निजी स्कुलमा छोराछोरी पढाउने अभिभावकलाई अन्याय पर्यो भन्दै बोल्न, लेख्न सुरु गर्दछन् !!

शिक्षाको प्रमुख दायित्व सरकारको हो । नेपाल सरकारले निशुल्क शिक्षा दिन्छु भनेकै छ । यस्तो अवस्थामा सरकारको सुविधालाई उपेक्षा गरेर निजीमा जाने अनि हामीलाई अन्याय भयो भन्नु तर्कपूर्ण हुँदैन ! निजी स्कुल अभिभावकले तिरेको शुल्कले नै चल्दछन् । त्यसैबाट शिक्षकको तलब तथा अन्य खर्चको व्यवस्थापन गर्दछन् ।यसर्थ, अभिभावकले निजी स्कुलको शुल्क तिर्नु पर्दछ ।