२०७६ कार्त्तिक ५ गते

शिक्षा अधिकृतविरुद्ध एकै दिन १० मुद्दा

अन्तैबाट

काठमाडौँ । अख्तियार दुरुपयोग अनुसन्धान आयोगले पर्सा जगरनाथपुर गाउँपालिकाको शिक्षा शाखाका अधिकृत राजेश्वरप्रसाद चौरसियालाई ७० लाखभन्दा बढी भ्रष्टाचार गरेको अभियोगमा सोमबार विशेष अदालतमा १० वटा भ्रष्टाचार मुद्दा दायर गरेको छ ।


उनीमाथि पर्सा जिल्लाका आफ्नो कार्यक्षेत्रमा पर्ने विद्यालयमा राहत शिक्षक र बाल विकास सहयोगी नियुक्तिका क्रममा भ्रष्टाचार गरेको अभियोग छ । चौरसियासँगै विद्यालयका प्रधानाध्यापक र शिक्षकसहित थप १९ जनाविरुद्ध समेत मुद्दा दायर गरिएको छ ।

मुद्दा दायर गरिएकामा प्रधानाध्यायपक/शिक्षकहरू हरिओमकुमार साह, रुवी कुमारी, रामवेलास प्रसाद पटेल, महेशप्रसाद यादव, उमाशंकर यादव, रमेश शर्मा, कृपादेवी पटेल, अरविन्द गिरी, राजेशकुमार यादव, शिवशंकरप्रसाद यादव, धर्मेन्द्र ठाकुर हजाम, दुलारचनप्रसाद कुर्मीलगायत छन् ।

मुद्दा दायर भएसँगै २० जना सेवाबाट निलम्बित भएका छन् ।

कान्तिपुरमा खबर छ ।

Comments: