२०७६ माघ ११ गते

बुढेसकालमा अक्षर सिक्दै आमाहरु

राजन रावत/हुम्ला

            
बुढेसकालका आमाहरु महिला समुहमा आबद्ध भई साक्षरता कक्षामा गएर अक्षर सिक्न थालेका छन् । उमेरमा नपढिए पनि आफ्नो नाम खेल्न र सामान्य अक्षर पढेर आयआर्जन गर्नकै लागि ढल्कदो उमेरमा आमाहरु अक्षर सिक्न थालेका हुन् ।  


पहिला नपढिएकोमा पश्चताप भएको बेला गाउँमै सञ्चालन भएको एक साक्षरता कक्षामा भर्ना भएर अक्षर लेख्न र पढ्न सिक्न थालेको सर्केगार्ड गाउँपालिका वडा नम्बर ५ की जालन्दरा शाहीले बताइन् ।  अक्षर लेख्न र पढ्न कठिनै हुने भएपनि प्रयास गरेमा हुने रहेछ भन्दै शाहीले ढिलै भएपनि आफ्नो नाम लेख्न र पढ्न सक्ने भएकोमा गर्भ लाग्न थालेको बताइन् ।  ढिलै भएपनि यो उमेरमा अक्षर लेख्न र पढ्न जान्न थालिया छ– शाहीले भनिन् ।


उनी जस्तै गाउँका २८ जना उमेर ढल्केका सीमान्तकृत समुहका आमाहरुले यतिखेर उक्त साक्षरता कक्षामा अध्ययन गरि रहेकाछन् ।  सबै जना अहिले प्रारम्भिक चरणमा पुगेका छन् ।


यता सोही गाउँपालिका वडा नम्बर ७ को रोडिकोट गाउँकी काली जैशीले पनि आफ्नो नाम लेख्न सक्ने भएको बताइन् ।  अक्षर सिक्न बुढेसकालमा कठिन हुने बताउदै जैशीले निरन्तरको प्रयास र अभ्यास पछि क ख सबै पढ्न र लेख्न जान्ने भएको बताइन् । । कम से कम यो उमेरमा भएपनि साक्षर हुने उद्देश्य रहेको उनको भनाई छ ।


यी बुढेसकालकी आमाहरु सर्केगार्ड गाउँपालिकामा लागु भएको शिशु कार्यक्रमको आर्थिक सहयोगमा सामाथ्र्य परियोजनाबाट सञ्चलित साक्षरता कक्षामा अध्ययन गरि रहनु भएको हो ।


निरक्षर र सिमान्तकृत महिलाहरुलाई साक्षर बनाएर पछिल्लो समय अनुसारको ब्यबसायमा सहभागी गराई आयआजर्नमा बृद्धि गर्न महिला साक्षर बन्नै पर्ने र त्यसलाई सार्थक बनाउन साक्षरता कक्षा सञ्चालन गरिएको परियोजनाका फिल्ड सुपर भाईजर प्रतिभा देबकोटाले बताइन् ।
क पनि नजान्ने महिलाहरु अहिले क ख चिन्न मात्र होइन लेख्न पनि सक्ने हुनु भएको देबकोटाले भनाइ छ ।


परियोजनाले गाउँपालिका भरिका ८ वटै वडामा दश वटा यस्ता कक्षा सञ्चालन गरि २८० जना महिलाहरुलाई साक्षरता कक्षाका सहभागी गराउदै आएको छ । यी कक्षाहहरु दश महिनासम्म सञ्चालन हुनेछ ।  


परियोजनाको यो कामले आगामी जेठ महिनामा हुम्ला जिल्लालाई साक्षर युक्त जिल्ला घोषणा गर्ने कार्यक्रमलाई सहयोग पुग्ने शिक्षा बिकास तथा समन्य इकाईका प्रमुख बिष्णु बहादुर शाहीले बताए ।

Comments: